Мамадышлылар легаль булмаган алкоголь сату турында "Халык контроле"нә хәбәр итә ала.
Сервиста легаль булмаган яки сыйфатсыз алкогольле продукция сату проблемасына кагылышлы өч категория тәкъдим ителә. «Этил спирты, алкогольле һәм спиртлы продукцияне законсыз җитештерү һәм (яки) әйләнеше» категориясендә легаль булмаган продукция җитештерү, эшкәртү, тутыру, шулай ук алкогольле һәм спиртлы продукция белән тәэмин итү каналлары турында хәбәрнамәләр бастырыла. Әгәр проблема кафе, бар, ресторан территориясендә булса, сыйфатсыз яки суррогат алкоголь белән бәйле заявкаларны «Сәүдә кагыйдәләрен бозу» яки «җәмәгать туклануы» категориясе астында бирергә киңәш ителә. Һәр гариза буенча ТР Дәүләт алкоголь инспекциясе тарафыннан җентекләп тикшерү үткәрелә. Исегезгә төшерәбез, хокук бозу очрагы расланган очракта мөрәҗәгать итүчегә матди бүләк түләнә.