Мамадыш шәһәренең «Забота» үзәгендә ял итүчеләр белән очрашу
Татарстан Республикасы Дәүләт алкоголь инспекциясенең Чаллы территориаль органы эчке базарны үстерү һәм координацияләү бүлеге белгечләре Мамадыш шәһәренең «Забота» халыкка социаль хезмәт күрсәтү үзәгендә өлкән буын вәкилләре белән очрашу үткәрде.
Белгечләр тарафыннан «кулланучылар хокукларын яклау турында»07.02.1992 ел, №2300-1 РФ Законының төп маддәләре буенча аңлатмалар бирелде. Пансионат ял итүчеләр актив катнаштылар, түбәндәге мәсьәләләр турында фикер алыштылар: сыйфатсыз товар сатканда кулланучы таләпләрен канәгатьләндерү өчен күпме көн; сатып алынган товарның сыйфаты буенча кулланучы кайсы вакыт эчендә мөрәҗәгать итә ала; гарантия срогы булмаганда, экспертиза үткәрергә тиеш, дару препаратлары кире кайтарылырга һәм алмаштырылырга тиешме? Белгечләр шулай ук сезонлы товарлар өчен сезонлы сроклар турында да сөйләделәр. Мәгълүмат ял итүчеләр өчен генә түгел, ә әлеге пансионат хезмәткәрләре өчен дә кызыклы булды. Чара барышында Кулланучылар хокукларын яклау белән бәйле конкрет ситуацияләр һәм аларны хәл итүнең оптималь вариантлары каралды.
Очрашу дустанә һәм иркен атмосферада узды. Пансионат администрациясе ТР Дәүләт алкоголь инспекциясенең Чаллы территориаль органы белгечләренә шәһәрдә яшәүчеләрнең куллану белемнәрен арттыру өчен рәхмәт белдерде. Соңыннан истәлекле фото ясалды.
Чарада катнашучыларның барысына да белгечләрнең квалификацияле һәм тулы җаваплар бирелде, кулланучылар өчен ТР Дәүләт алкоголь инспекциясе тарафыннан эшләнгән белешмәлекләр өләшенде.