Мамадыш район үзәк хастаханәсе онкология ярдәмен күрсәтү буенча җиңүче булды
"Татарстан Республикасының иң яхшы товарлары һәм хезмәтләре" республика конкурсының региональ этабы йомгаклары буенча " Мамадыш район үзәк хастаханәсе беренчел онкология кабинетында пациентларга онкологик ярдәм күрсәтү» медицина хезмәте "Халык өчен хезмәт"номинациясендә җиңүче булды. Сыйфат буенча төбәк комиссиясе әлеге хезмәт "Россиянең иң яхшы 100 товары" Бөтенроссия конкурсының федераль этабына тәкъдим иттте.
Мамадыш район үзәк хастаханәсе Татарстан Республикасының (ТР) беренчел медик-санитар, ашыгыч һәм кичектергесез, шулай ук Мамадыш муниципаль районында стационар медицина ярдәме күрсәтү буенча эре күппрофильле медицина учреждениесе булып тора.
Яман шеш диагнозын билгеләгәннән соң онкологик авыруларны диспансер күзәтүе башлангыч этапта яман шешнең прогресслануын яки рецидивын ачыкларга, дәвалауны башларга, гомер озынлыгын арттырырга, пациентның тормыш сыйфатын шактый яхшыртырга мөмкинлек бирә. Күзәтү беренчел онкология кабинетында табиб-онколог тарафыннан, диагноз куелганнан соң 3 көн эчендә гамәлгә ашырыла. Яман шеш шикләнгән мизгелдән башлап тулы терелүгә кадәр пациентның тулы озатылуы тәэмин ителә.
Бу эш медицина ярдәме күрсәтүнең мөмкинлеге белән бәйле рәвештә актуаль икәнлеген дә билгеләп үтәргә кирәк. Элек авыруларга Яр Чаллы, Казан шәһәрләрендә дәваланырга барырга туры килә иде. Авырулар, транспорт чыгымнары булмау һәм өйгә якын булу сәбәпле, яшәү урыны буенча сырхауханәдә дәвалануның уңайлылыгын билгеләп үтәләр.