Татарстан Республикасы территориясендә метеорологик күренешләрнең көчәюе турында Консультация-кисәтү

Хөрмәтле гражданнар! "Татарстан Республикасы Гидрометеорология һәм әйләнә - тирә мохитне күзәтү идарәсе" ФДБУНӘН килде: 2022 елның 8 июлендә 21 сәгатьтән 9 июлендә 21 сәгатькә кадәр метеорологик күренешләрнең интенсивлыгы турында консультация-кисәтү Татарстан Республикасы территориясендә һәм Казан шәһәрендә 2022 елның 9 июлендә төнлә һәм көндез урыны белән яшен, көньяк-көнчыгыш җилнең тизлеге секундына 17-22 метрга кадәр, урынлы бозлы яңгыр. Җил көчәйгәндә: 1. Биналардан чыгуны чикләргә, биналарда булырга киңәш итәбез. Балаларны караучысыз калдырмау мөһим. 2. Әгәр көчле җил Сезгә урамда туры килсә , җир асты кичүе яки подъездларда биналарга яшеренергә киңәш итәбез. Йорт диварлары янында көчле җилдән качып ятарга кирәкми, чөнки түбәдән шифер һәм башка түбә ябу материаллары егылырга мөмкин. Бу шулай ук җәмәгать транспорты тукталышларына, төзелеп бетмәгән биналарга да кагыла. 3. Урамда реклама щитларыннан, элмә такталардан, юл билгеләреннән, электр тапшыру линияләреннән ераграк торырга киңәш ителә. 4. Зур агачлар янында булырга, шулай ук алар янында автотранспорт куярга ярамый - җил белән өзелгән ботаклар зур куркыныч тудыра ала. 5. Көчле җил вакытында электр тапшыру линиясе астында басып тору һәм өзелгән электр үткәргечләргә якын килү куркыныч. 6. Торак яки эш урынында тәрәзәләрдән мөмкин кадәр ераграк торырга кирәк. Яшен вакытында: Әгәр дә Сез велосипедта яки мотоциклда барганда яшенле яңгыр башланса, һичшиксез, хәрәкәтне туктатыгыз һәм үз транспорт чарагыздан якынча 30 метр ераклыкта урнашыгыз. Автомобильдә йөрүне дә дәвам итәргә кирәкми, чөнки электроника эшендә бозыклыклар булырга мөмкин. Туктарга, машинаның тәрәзәләрен ябарга кирәк.   Әгәр яшен вакытында сез ачык урында булсагыз, җиргә ятырга киңәш ителә, булдыра алганча түбәнлектә урнашырга. Сезнең янәшәгездә елга, күл яки буа булса, кимендш 100-150 метр ераграк китегез, чөнки су – яхшы үткәргеч, ә яшен сугу сулыктан 100 метр радиуста тарала. Машина йөртүчеләргә юл хәрәкәте вакытында игътибарлы булырга кирәк. Җәяүлеләргә автотрассалар аша чыкканда һәм алар янында булганда аеруча сак булырга кирәк. Ерак араларга барудан баш тартыгыз. Бәла булган очракта сез һәрвакыт ашыгыч хезмәтләрне бердәм чакыру «112» номерына мөрәҗәгать итә аласыз. Шалтыратулар тәүлек әйләнәсе, шәһәр һәм кәрәзле телефоннардан бушлай кабул ителә. ТР буенча Россия ГТХМ Баш идарәсенең "ышаныч телефоны" 8 (843) 288-46-96.