Район башлыгы Анатолий Иванов республика дәрәҗәсендә Питрау керәшен мәдәнияте фестивален анонслады
16 июльдә Татарстанның Мамадыш районында «Питрау» керәшен республика бәйрәмендә 50гә якын фольклор коллективы чыгыш ясаячак. Бу хакта видеоконференция режимында узган брифингта ТР Мамадыш районы башлыгы Анатолий Иванов хәбәр итте.
- Татарстан, Чиләбе, Башкортстан, Удмуртия, Самара, Киров өлкәләреннән киләчәк иҗат коллективларын көтәбез. Барлыгы сигез сәхнә эшләячәк, шул исәптән балалар һәм яшьләр өчен. Чараны ат чабышы башлап җибәрә. Бәйрәмнең тантаналы ачылышы 18: 00 сәгатьтә планлаштырыла, - дип хәбәр итте муниципалитет җитәкчесе.
Бәйрәм программасына яңа төрләр : милли көрәш, фольклор мәйданчыклары эше, күлдә радио белән идарә ителә торган судно модельләре ярышлары керде. Соңгысын Питрау кунаклары Тырлау аланында җиһазландырылган бик матур күл ярында карый алачак.
Исегезгә төшерәбез, Питрау - иң кызыклы һәм якты милли бәйрәмнәрнең берсе, шулай ук туризмны яратучылар арасында яхшы таныш. Чараны оештыручылар быел да 50 меңнән артык кешене җыяр, дип ышана.