Тәмәке тартканда авыз куышлыгы торышы
23 майдан 31 майга кадәр «Бөтендөнья тәмәкесез көненә-2022 елның 31 маена багышланган профилактик чаралар»дигән ункөнлек уза. Без барыбыз да тәмәке төтененең сулыш системасына һәм кешенең башка органнарына тискәре йогынтысын беләбез. Ә бу мәкаләдә без тәмәке төтененең авыз куышлыгына йогынтысын беләчәкбез, тәмәке төтененнән тешләрнең һәм аңкауларның никадәр зыян күрүен ачыклаячакбыз.
Үз мәкаләсендә «тәмәке тартканда авыз куышлыгының торышы», стоматология бүлеге мөдире, ДАССО табибы стоматолог-терапевты
» Мамадыш РҮХ", Сәгъдиева Лилия Әкрәм кызы авыз куышлыгында тәмәке тартканда барлыкка килә торган проблемаларны һәм авыруларны санап үтте.
Мавыгу. Сигаретларда булган никотин, көчле мавыгу һәм баш мие функциясен бозуга китерә.
Җыерчыклар. Тәмәке тарту тирегә кан килүне азайта. Ул җыерчыклы һәм ялтырый торганга әйләнә.
Катаракта. Тәмәкене озак тартудан, катаракта барлыкка килергә мөмкин, ә бу исә сукыраюга китерә.
Авыз куышлыгы яман шеше. Тәмәке тарту тел һәм авыз куышлыгы яман шешен булдыра. Тартучының төкереге авыздагы бактерияләрне юкка чыгара алмый.
Тиренең җәрәхәтләнүе. Тәмәке төтенендә булган сумаладан бармаклар саргая, тырнаклар таплар белән каплана.
Тамак яман шеше. Тәмәке тарту үңәчтә яман шеш барлыкка китерүгә сәбәпче.
Псориаз. Тәмәке тартучыда кызгылт-соры тимгелләр барлыкка килә һәм ул кычыта башлый.
Йөрәк авырулары. Тәмәке тарту югары артериаль басымга, кан тамырларының тараюына китерә һәм йөрәк тибешен ешайта.
Үпкә авырулары. Тартучылар арасында үпкә яман шеше, бронхиаль астма һәм эмфизема авыруларының барлыкка килү очрагы 20 тапкырга күбрәк күзәтелә.
Ашказаны җәрәхәте. Тәмәке тарту ашказаны җәрәхәте барлыкка китерә, ә ул үз чиратында бик еш көчәя.
Әгәр дә сез тәмәке тартасыз икән, ләкин көчле бәйлелек булмаса, хәзер үк бу начар гадәттән арыну юлларын эзләгез.
Яшьләрдә тәмәкесез яшәүнең уңай яклары
Үз-үзеңә ныклы ышану, бәйлелектән азат ителү;
үз-үзеңне югары бәяләү;
карьера үсеше;
хәтерне һәм фикерләүне яхшырту;
йөзнең сәламәт күренүе;
физкультура һәм спорт белән шөгыльләнгәндә сулыш кысылуның күзәтелмәве;
организмның чыдамлылыгы;
чәчтә һәм киемнәрдә ис булмау;
акчаларны файдалырак куллану;
ата-ана арасында үз-үзеңне гаепле санамау;
энеләреңә һәм сеңелләреңә яхшы үрнәк күрсәтү;
яраткан кешең белән ачуланышмау.
Тулырак: русча вариантта таныша аласыз.