Мамадыш медицина хезмәткәрләре «Сәламәтлек-2021 " Спартакиадасында катнаштылар
Мамадыш медицина хезмәткәрләре «Сәламәтлек-2021" Спартакиадасында катнаштылар. Сәламәт яшәү рәвеше өчен республика халкының сәламәтлеге сагында торучылар көч сынашты монда. Әгерҗедә «Сәламәтлек-2021» дигән Медицина хезмәткәрләре Спартакиадасының зона этабы узды, анда Мамадыш, Теләче, Тукай, Әгерҗе, Менделеевск районнары командалары катнашты. Медицина хезмәткәрләре түбәндәге спорт төрләрендә көч сынашты: йөзү, җиңел атлетика, швед эстафетасы, волейбол, бадминтон, шахмат һәм өстәл теннисы, аркан тарту.
Ярышларның барлык этапларында да команда капитаны – баш табиб Дамир Хаҗиев, профком рәисе Лилия Сәгъдиева, кадрлар бүлеге белгечләре Розалия Әхмәтшина, хезмәтне саклау буенча белгеч Венера Ситдыйкова ярдәме сизелеп торды. Гомумкоманда зачетында Мамадыш үзәк район хастаханәсе командасы өченче урынны яулады. Тантаналы шартларда бүләкләү уздырылды, анда һәр кеше баш табиб – бөтен РҮХнең вәкилләре кулыннан медальләр һәм җиңүчеләр дипломнары алды.
Котлыйбыз!