Муниципалитет бинасында Мамадыш районы тәрбиягә бала алган ата-аналар һәм опекуннарның чираттагы җыелышы узды
Мамадыш муниципаль районының тәрбиягә бала алган ата-аналар һәм опекуннарның чираттагы җыелышы муниципалитет бинасында узды. Киңәшмәне Мамадыш муниципаль районы Башкарма комитеты җитәкчесе урынбасары Муса Хуҗаҗанов алып барды. Анда Башкарма комитетның опека һәм попечительлек секторы мөдире Айгюн Велиева, Башкарма комитетның опека һәм попечительлек секторының бала хокукларын саклау буенча әйдәп баручы белгече Альбина Петрова, Россия Эчке эшләр министрлыгының Мамадыш районы буенча бүлегенең ПДН төркеме өлкән инспекторы полиция майоры Светлана Романова, Татарстан Республикасы Суд приставларының Мамадыш районы бүлеге суд приставы - башкаручысы Венера Гаянова, Красная Горка урта мәктәбе психологы Оксана Мөхәммәдиева, «Кама» балалар-яшүсмерләр спорт мәктәбе директоры Андрей Николаев катнашты.
Киңәшмә кысаларында түбәндәге мәсьәләләр каралды: балигъ булмаганнар арасында хокук бозуларны профилактикалау; балаларның җәмәгать урыннарында, өлкәннәрсез булу куркынычы турында; янгын куркынычсызлыгы; язгы ташу; ятим балаларны һәм ата-ана каравыннан мәхрүм калган балаларны диспансерлаштыру турында; алимент түләүләрен эзләтеп алу турында; җәйге ял; яшүсмерләр проблемалары; аз таныш булмаган кешеләр белән үз-үзеңне тоту модельләрен формалаштыру.
Тәрбиягә бала алган ата-аналар һәм опекуннар килгән белгечләргә сораулар бирә һәм тулы җаваплар ала алдылар. Барлык катнашучыларга да истәлекле бүләкләр тапшырылды.
Мамадыш муниципаль районы Башкарма комитетының опека һәм попечительлек бүлекчәсе.