Икенче урынны Мамадыш хоккейчылары яулады

2021 елның 15 марты, дүшәмбе

12-14 март көннәрендә Мамадыш шәһәрендә «Олимп» (тренеры Клинов Н.), «Биектау» һәм «Биектау -2», Биектау, «Белые Медведи -2», Ижевск, «Питрәч», «HQ Hockey» (Уфа) командалары катнашында 2011 елгы малайлар арасында хоккей буенча турнир узды. Ярыш нәтиҗәләре буенча 1 урынны Биектау авылының «Биектау» командасы, 2 урынны Мамадыш шәһәренең «Олимп» командасы, 3 урынны Биектау 2 «командасы алды. Турнирның иң яхшы капкачысы дип Семен Шишолин (Биектау) танылды; иң яхшы сакчы – Илья Ерохин (Мамадыш); иң яхшы һөҗүмче – Максим Приходько (Питрәч); иң яхшы бомбардир – Йосыф Баймиев (Биектау) танылды) ; иң яхшы уенчы – Илья Кузнецов (Ижау). Тамашачылар симпатиясе призы белән Евгений Якимовец бүләкләнде.