Җинаятьләрне күбрәк ачтык: Эчке эшләр министрлыгының Мамадыш районы буенча бүлегендә 2020 елга йомгак ясадылар.
Бүген Эчке эшләр министрлыгының Мамадыш районы буенча бүлегендә узган елга йомгак ясалды. Доклад белән бүлек башлыгы Леонид Усачев чыгыш ясады. Ул билгеләп үткәнчә, Татарстанның 14 бүлеге арасында Мамадыш җиденче урында тора. 2020 елда эшләрнең ачылышы арту билгеләп үтелде. Бу күрсәткеч 67,8% ка җитте. Барлык үтерү һәм талаулар тикшерелде. Шул исәптән узган елларда 8 җинаять ачылган. Вазыйфаи затларга карата 59 административ материал әзерләнде, шул ук вакытта, 2019 ел белән чагыштырганда, җинаятьләр 4,9% ка кимеде. "Мошенниклык очраклары артты. Иң киң таралган юнәлешләр-биржалар, лотереялар, компенсацияләр һәм ташламалар. Мошенниклыктан килгән зыян район халкы өчен 5,5 миллион сум тәшкил итте", - дип билгеләде Усачев.
Эшчәнлекнең мөһим юнәлеше-алкогольнең легаль булмаган төстә таралуына каршы көрәш. Әйтик, 2020 елда 43 литр күләмендә алкогольле эчемлекләр сатудан алынган.
Шәхси состав алдында район башлыгы Анатолий Иванов та чыгыш ясады. Ул хезмәткәрләргә фидакарь хезмәтләре, коронавирус белән көрәштә актив катнашулары өчен рәхмәт белдерде. Шулай ук район башлыгы янгыннарны, караклыкны һәм алкогольнең законсыз әйләнешен аерым контрольгә алырга кирәклеген билгеләп узды. "Соколка янында күпер төзелеше башлана. Шуңа бәйле рәвештә Соколка авыл җирлегендә хокук саклау органнарының эшен көчәйтергә кирәк булачак", - дип мөрәҗәгать итте Усачевка Анатолий Иванов.
Киңәшмә иң яхшы хезмәткәрләрне бүләкләү белән тәмамланды. Аларга бүләкләрне район башлыгы тапшырды. Алар: полиция майоры, җинаятьчеләрне эзләү бүлегенең өлкән оперуполномоченные Дамир Мөхәммәтҗанов, полиция лейтенанты, җинаятьчеләрне эзләү бүлегенең оперуполномоченные Илназ Ситдыйков, полиция өлкән лейтенанты, җинаятьчеләрне эзләү бүлегенең оперуполномоченные Ленар Нәгыймов, полиция лейтенанты, өлкән участковый Максим Коренков, полиция майоры, балигъ булмаганнар белән эшләү буенча өлкән инспекторы Светлана Романова,; Алмаз Мөхәммәтҗанов, полиция өлкән лейтенанты, ЮХИДИ инспекторы.