«Прибрежный» территориаль иҗтимагый үзидарәсе балалары өчен яңа ел тамашасы оештырылды. Чараны үзәк балалар китапханәсе хезмәткәрләре үткәрде. Балалар Яңа ел персонажлары белән вакытны күңелле үткәрделәр, әйлән-бәйлән уйнадылар, шигырьләр сөйләделәр, җырлар җырладылар.
«Прибрежный» территориаль иҗтимагый үзидарәсе рәисе Ленуза Хәкимова бәйрәмнең спонсорлары Фәрит Гайфетдиновка, шәхси эшмәкәр Илшат Сафинга рәхмәт белдерә. Лилия Шәрифуллина «Кышкы әкият: бабаның әкиятләре " дигән тамаша оештырган иде.