Роспотребнадзор Идарәсенең территориаль бүлеге яңа уку елы башлану белән ата-аналарга педикулезны профилактикалау чаралары турында искә төшерә
Педикулез яки бетлелек – бетләрнең кешедә үзенчәлекле паразитлашулары, алар кан белән туклана торганнар. Соңгы елларда халык педикулезы кимү тенденциясе күзәтелә, әмма белем бирү учреждениеләре укучыларының педикулез белән зарарлануы шактый. Бу балаларның санитар-гигиена күнекмәләренең җитәрлек дәрәҗәдә булмавы һәм бер-берсе белән тагын да тыгыз аралашулары белән бәйле.
Педикулезның төп билгеләре: кычыту, массалы тешләүләрдән тире киселү.
Педикулезны ничек кисәтергә?
- сабынлы кайнар су белән башны һәм тәнне юу – 7 көнгә 1 тапкырдан да ким түгел;
- йоклау урынын һәм эчке киемне алыштыру – кимендә 7 көнгә 1 тапкыр һәм пычранган саен;
- кайнатып кер юу һәм аннан соң кайнар үтүк белән үтүкләү;
- даими рәвештә чәч кисү, чәчләрне тарау;
- атна саен гаиләнең барлык әгъзаларын педикулезга карау;
- өс киемен чистарту;
- чит эчке киемне, өс киемен, баш киемен, таракны һәм башка шәхси гигиена әйберләрен файдалануны тулысынча тыю;
- биналарны даими җыештыру;
- яңа киемне, баш киемен кияр алдыннан юу яки кайнар үтүк белән үтүкләү.
Шулай итеп, педикулезны профилактикалауның төп чарасы булып шәхси гигиена кагыйдәләрен үтәү тора.
Гомуми белем бирү оешмаларында педикулез таралуны булдырмас өчен, медицина хезмәткәрләре каникуллардан соң балаларны тикшерергә тиеш. Мәктәпкәчә белем бирү оешмаларына йөрүче балалар оешмага кергәндә һәм атна саен педикулезга карап тикшерелергә тиеш. Педикулезлы бала белем бирү оешмасыннан тулысынча терелгәнче, санациядән соң оештырылган коллектив педикулез булмау турында медицина белешмәсе булган очракта гына кире кайта ала.