Район башлыгы Анатолий Иванов тыл хезмәтчәне Чулпан Галиеваны 90 яшьлек юбилее белән котлады
Бүген Мамадыш районы Иске Комазан авылында гомер итүче тыл хезмәтчәне Чулпан Гарәфиевна Галиевага 90 яшь тулды. Аны олы юбилее белән Мамадыш муниципаль районы башлыгы Анатолий Иванов котлады. Анатолий Петрович юбилярга бүләкләр, чәчәкләр тапшырды, шулай ук Россия Федерациясе Президенты Владимир Путинның котлау телеграммасын тапшырды.
Чулпан Гарәфиевна үзенең балачагы турында сагынып искә ала. Ул чор кешеләренең балачагы юк диярлек, аларга иртә олыгайырга, ач торырга, күп эшләргә туры килде, кыскасы, сугыш чоры балаларына тормышның бар авырлыгын күрергә туры килгән.
Чулпан Гарәфиевна озак еллар урман участогында төрле эшләрдә эшләгән, хәтта юл хезмәткәре дә булган. Пенсиягә чыкканчы кибеттә сатучы булып эшләгән. Күпьеллык тырыш хезмәте өчен ул күпсанлы бүләкләр белән бүләкләнде. Тормыш иптәше Кәшфил белән 63 ел гомер кичерәләр, бергә җиде бала үстерәләр. Юбилярның 18 оныгы һәм 12 оныкчыгы бар, алар әбиләрен үзләренең уңышлары белән куандыралар һәм аның янына еш киләләр. Олы яшьтә булуына карамастан, Чулпан Гарәфиевна күзлек кимичә бәйли, туганнары килүенә үзенең тәмле бәлешен пешерә.