#Атнага 5бурыч
Хөрмәтле мамадышлылар, яңа эш атнасы яңа бурычларны күздә тота. Менә шуларның 5се, аларның үтәлешен Сез дә күзәтә аласыз.
! Авылда бүгенге көнгә кадәр сүздә генә булган 55 объектта бу атнада эшләр башланачак. Исегезгә төшерәбез, безнең район Россия авыл хуҗалыгы министрлыгы инициативасы белән территорияләрне комплекслы үстерү мөмкинлегенә ия булды. Сүз спорт һәм балалар мәйданчыклары төзү, тротуарларны ясау һәм авылда тормыш сыйфатын арттыручы башка төр эшләр турында бара. Район башлыгы Анатолий Иванов ассызыклаганча, бу процессларда сыйфат һәм сроклар турында истә тотарга кирәк. Атна ахырында без авылларыбызның ничек үзгәрүе турында сөйләрбез.
! Балаларны йөзәргә өйрәтү мәсәләсе район башлыгының шәхси контролендә тора. “Лагуна” эшли башлады , өйрәнүләр дә башланды, килүчеләр саны белән Анатолий Иванов шәхсән кызыксынып тора. Ул объектка йөреш барышын шәхсән контрольдә тотачак. Атна саен аның өстәленә бассейнга ничә бала килүе, әгәр килмәсәләр, автобусның килмәү сәбәпләре турында хисап куелачак.
! Бу атнада "Квантум" балалар техник иҗаты үзәге янындагы территориядә асфальт җәю эшләре төгәлләнергә тиеш. Ул җомга көнне ачылырга тиеш, территория махсуслаштырылган парковка функциясен башкарачак - монда Үзәккә килүчеләр һәм чиркәүгә килүчеләр генә машиналарын куя алачак.
! Совет-Чапаев участогында канализация челтәрләрен реконструкцияләү эшләре дәвам итә. Бу атнада монтаж эшләре Ошма елгасы астында алып барылачак. Проект коммуникацияләрнең мораль һәм техник искергән элементларыннан арынырга мөмкинлек бирәчәк, ә аларга алмашка зур диаметрлы үткәргеч торбалар киләчәк.
! Финалны шәһәрнең тарихи өлешендә дә көтәләр. Бу атнада элеккеге ратуша бинасының икенче катындагы түбәне ремонтлау эшләре тәмамланырга тиеш. Исегезгә төшерәбез, борынгы бина язгы давыл вакытында җитди зыян күргән иде. Район башлыгы Анатолий Иванов Совет урамындагы биналарны биләүче эшмәкәрләргә ярдәм итә. Давылдан соң күп вакыт узды, бу мәсьәләнең финанс ягын җайга салу белән бәйле иде. Түбә белән бергә фасадның торышына да үзгәреш кертү планлаштырыла. Бүген кайбер участоклардан тышлауның иске катламы төшерелә.