Татарстан Президенты Рөстәм Миңнеханов Мамадыш районына яңа мәктәп автобуслары ачкычларын тапшырды
ТР Президенты Рөстәм Миңнеханов Алабугага эш сәфәре кысаларында республика районнары башлыкларына яңа «Форд Транзит» микроавтобуслары ачкычларын тапшырды. Аларның 9ы инде бүген Мамадыш районы территориясенә кайтып җитте. Анатолий Иванов тантанада шәхсән катнашты һәм үзе өчен бу вакыйганы көн яңалыгы дип атады:
-Мин безнең мәгариф оешмалары өчен чын күңелдән шат. Балалар белән бәйле барлык темалар, бигрәк тә аларның иминлеге беренче урында торырга тиеш. Ата - аналар, педагоглар исеменнән кайгыртучанлык күрсәткәннәре өчен республика җитәкчелегенә ихлас рәхмәтемне белдерәм, - диде район башлыгы.
Бүгенге көндә район укучыларын йөртү эшен 24 автобус башкара. 9 мәгариф учреждениесе техникага ихтыяҗ бар иде, шул исәптән 7се-транспортны эксплуатацияләү вакыты чыкканлыктан.
Мәгариф системасы-ул беренче мәсьәлә, бу көндәшлек, безнең киләчәк. Республикада мәгариф системасын модернизацияләү буенча күп эш башкарыла. Бу мәктәпләргә, җәйге сәламәтләндерү лагерьларына кагыла. Ресурс үзәкләре, югары мәктәп буенча җитди эш алып барыла. Балалар һәркайда да бертөрле, шәһәрдә дә, авылларда да. Алар-татарстанлылар. Мәктәп автобуслары бик мөһим, шуңа күрә аларга катгый таләпләр куела. Автобуслар Алабуга районында җитештерелгән. Алар искиткеч. Һәм без балаларыбызның өйдән мәктәпкә һәм кирегә күчкәндә куркынычсызлыгын тәэмин итү өчен барысын да эшләячәкбез. 1 сентябрьдән алар хәрби постта булачак", - дип билгеләп үтте Рөстәм Миңнеханов.
Яңа автобуслар сары төстә, тахографлар белән җиһазландырылган, алар шоферның гамәлләре турында мәгълүматны язып, саклыйлар, сәгатенә 60 чакрымга кадәр тизлекне чикли. Мәктәп автобусы 21 укучыны һәм бер озатып йөрүчене йөртүгә исәпләнгән.