Саха (Якутия) Республикасы мамадышлыларны ТАССР төзелүгә 100 ел тулу белән котлый
Саха (Якутия) Республикасының «Мегино-Кангаласский улус» муниципаль район хакимияте һәм Депутатлар советы мамадышлыларны истәлекле дата - Татар Автономияле Совет Социалистик Республикасы төзелүгә 100 ел тулу белән тәбрик итә.
«Узган 100 ел эчендә Татарстан социаль-икътисади үсештә, икътисадның динамик үсешендә, халыкның тормыш дәрәҗәсен сизелерлек күтәрүдә зур уңышларга иреште. Бүген Татарстан-Россиянең иң алга киткән һәм стратегик яктан мөһим субъектларыннан берсе. Мондый югары җиңүләргә ирешүдә, һичшиксез, республиканың күпмилләтле халкының казанышы да бар.
Мамадыш районында төрле милләт вәкилләре дус һәм тату яши, туган җиргә мәхәббәт төрле милләт кешеләрен берләштерә.
Юбилей датасы белән котлап, барлык кешеләргә игелек һәм бәхет, зур хезмәт казанышлары, барлык игелекле башлангычларда уңышлар телибез!
Безнең районнар арасында алга таба да үзара файдалы һәм нәтиҗәле хезмәттәшлек итүгә, дустанә мөнәсәбәтләрне һәм партнерлык элемтәләрен ныгытуга ышаныч белдерәбез!
Әлеге котлау хатын «- Саха (Якутия) Республикасының» Мегино-Кангаласский улус " администрациясе башлыгы Н.П. Старостин, район депутатлар Советы рәисе П.Д. Сазонов имзалаган.