Район башлыгы Анатолий Иванов бүген Бөек Ватан сугышында катнашучыларга " Фронтовикларга - телефон" акциясе кысаларында телефоннар тапшырды
Район башлыгы Анатолий Иванов бүген Бөек Ватан сугышында катнашучыларга "Фронтовикларга - телефоннар"акциясе кысаларында элемтә өчен җайланмалар тапшырды. Телефонда ашыгыч хезмәтләрне тиз җыю системасы куелган, кискен минутларда тиз һәм проблемасыз махсус хезмәтләр, волонтерлар яки медицина учреждениесе белән элемтәгә керергә мөмкинлек бирәчәк.
Бу телефон-оператив җавап бирү һәм ашыгыч ярдәм чарасы, аңа фронтовик өчен кирәкле барлык файдалы номерлар кертелгән: куркынычсызлык хезмәтләре телефоннары, дәвалаучы табиб, аңа беркетелгән социаль хезмәткәр һәм Волонтерның номерлары. Бу телефон фронтовикларга, бер генә секундны да югалтмыйча, элемтәгә керергә, булган проблема турында хәбәр итәргә һәм ярдәм сорарга мөмкинлек бирәчәк. Бушлай элемтә бәйләнешенә сертификат та тапшырылды. Акциядә районның 15 кешесе катнашты, аларның күбесенә бүләкләрне авыл җирлекләре башлыклары һәм волонтерлар тапшырды.
Кыска гына вакыт эчендә район башлыгы ветераннарга Мамадыш тормышындагы иң мөһим яңалыклар турында хәбәр итәргә өлгерде. Өлкән яшьтә булуларына карамастан Коробова, Галимулла Шәрифулла улы Нәбиуллин туганнары ярдәме белән өйдән чыгып, кызыклы урыннарга барып, уңай үзгәрешләргә бәя бирәләр икән. 97 яшьлек Евдокия Сергеевна Совет урамында еш була, ә аның яшьтәше Нәбиулла абый төзелеш эшләренең киң колач белән алып барылуына соклануын әйтте. Әйтик, аның өчен соңгы ачыш чиркәү төзелеше булган. Ул бүгенге көндә дә авыл хуҗалыгы һәм тышкы инфраструктура яңалыклары белән кызыксына. Шуңа Күрә Анатолий Иванов аның белән сөйләшкәндә Кама аша күпер төзү темасына да җентекләп тукталды.
Ветераннарыбызга сәламәтлек һәм яхшы элемтә телибез!