Район башлыгы Анатолий Иванов су белән тәэмин итү вәзгыяте турында: "Авария урыныннан аны эшләп бетергәнче китмәгез!"
Район башлыгы Анатолий Иванов бүген иртән су мәсьәләсе буенча чаралар күрүне таләп итте. Соңгы вакытта су булмау буенча мөрәҗәгатьләр саны артты – шәһәр халкы бу хакта вакытында хәбәр итмәү һәм «вакытлыча уңайсызлыклар» ның даими булуына зарлана. «Мамадыш водоканалы» АҖ көн саен хаман шул үк урамда яшәүчеләр алдында гафу үтенә.
- Болай дәвам итә алмый. Мин проблеманың гади кулланучы уйлаганга караганда күпкә глобальрәк булуын яхшы аңлыйм, тик бу бездән кешеләр алдында булган җаваплылыкны төшерми. Соңгы берничә елда Мамадышта 3 яңа су алу җайланмасы, 30 км су линиясе төзелде. Бу бик зур эш, әмма иске торба булган шәһәр участоклары зыян күрә. Кызганычка каршы, «Чиста су» республика проекты кысаларында башкарыла торган бар нәрсәне дә бер үк вакытта яңарту мөмкин түгел, әмма тулы бер урамнар сусыз утырганда кул кушырып утырырга ярамый. Әгәр авария бетерелмәсә, икенче сменада эшләгез, - дип таләп итте район башлыгы.
Безнең сайт шулай ук кайбер моментларга ачыклык кертергә булды, әйтик, краннарда су нигә иртәрәк юкка чыга, дигән сорауга «Мамадыш водоканалы» мондый җавап бирде: Предприятие үз белдерүләрендә запор җайланмасының ябылу вакытын күрсәтә, су агу иртәрәк башланырга да мөмкин – аварияне фаразлап булмый. Хәзер ни өчен шул ук су проблеманы бетергәннән соң ук краннан ага башламый - резервуарларны тутыру өчен күпмедер вакыт китә, ә системага су зур күләмдә килсә, гидроудар булачак, ә бу яңа җитди авария.
2021 елда Ленин урамында узачак яңа линия төзелеше турында хәбәр яхшы яңалык булып тора.
«Мамадыш водоканалы " АҖ тел.: 3-97-30