Мамадыш районында Питрау дистанцион форматта узачак
«Питрау-2020» керәшен мәдәнияте фестивале онлайн-форматта узачак. Трансляцияне район дәрәҗәсендә генә түгел, республика дәрәҗәсендә дә карарга мөмкин. Оештыручылар уңайлы булсын өчен махсус баннер-план эшләячәкләр.
Мамадыш районы мәдәният бүлеге начальнигы Степан Спиридонов сүзләренә караганда, бәйрәм атнасы 12 июльдә башланачак. Чараларның бер өлеше Мамадыш районының Җөри авылының Тырлау Аланыннан трансляцияләнәчәк. Тамашачыларга Питрау тарихын сөйләячәкләр һәм узган елгы фестивальләрдән кадрлар күрсәтәчәкләр.
“Керәшен чибәркәйен” быел сайлап алмаячаклар, тик төрле еллардагы конкурста җиңүчеләр белән очрашып булачак – онлайн режимда алар чираттагы тапкыр үзләренең талантларын күрсәтәчәкләр һәм конкурстан соң аларның тормышлары ничек килеп чыгу турында сөйләячәкләр.