Хәтер һәм кайгы көнендә район башлыгы Анатолий Иванов шәһәр һәйкәлләренә чәчәкләр салды.
Мамадыш районында санитар нормаларны үтәү белән башка хезмәтләр һәм предприятиеләр җитәкчеләре дә моны башкарды. Форсаттан файдаланып, Анатолий Иванов һәйкәлләрнең торышын кабат бәяләде, шулай ук алар тирәсендәге территорияләрне карады.
- Бу мөһим даталар алдыннан түгел, ә көн саен кайгыртылырга тиешле махсус объектлар, - дип билгеләп үтте район башлыгы.
Бүген Чәчәкләр Совет урамында һәм Җиңү паркында урнашкан һәйкәлләргә куелды. Фронтта һәм тылда Җиңүне якынайткан 1 418 көн һәм төннәрен үз гомерләре бәрабәренә яулаганнарны авыл халкы да искә алды.
Искәртеп узабыз, нәкъ 79 ел элек Германия гаскәрләре СССР чиген узган һәм сугыш игълан итмичә совет шәһәрләре - Киев, Минск, Рига, Севастополь һәм башкалар һөҗүм иткән иде. Безнең сайтка биргән интервьюсында район башлыгы Анатолий Иванов бүгенге көн кайгы өчен генә сәбәп түгел, дип ассызыклады.
- Бер минут тынлык җитди уйлануларга, дөньяның нинди кыйммәткә ия булуын аңлауга җитәрлек вакыт. Безгә бу тынычлыкны, иминлекне бөтен көч белән саклап калу мөһим, - дип йомгак ясады Анатолий Иванов.