Мамадышта җәйге сәламәтләндерү кампаниясен оештыру мәсьәләләре турында фикер алыштылар.
Мамадыш районында җәйге сәламәтләндерү кампаниясе ике айдан соң старт ала. Беренчеләрдән булып «Кама» балалар сәламәтләндерү лагере үз ишекләрен ачачак. Беренче сменаны ачу 30 майга планлаштырылган. Барлыгы 5 сменада 760 бала ял итәчәк. Җәйге чорда «Галактика балалары», «Яшь гвардия» һәм «Интеллект» лагерьлары да эшләячәк. Алар, гадәттәгечә, Кама елгасы ярында, Соколка авылында урнашачак. Берсут авылында «Берсут» һәм бишьеллык бистәсендә урнашкан «Регина» сәламәтләндерү лагерьлары да балаларны кабул итәчәк. Район мәгариф учреждениеләрендә мәктәп яны лагерьлары, хезмәт һәм ял лагерьлары эшләячәк.
12 мәктәп яны лагерендә 350 бала өчен ял итү планлаштырылган. 13 Хезмәт һәм ял лагерендә 300 бала эшләячәк. Җәйге лагерьларның куркынычсызлыгына, туклану сыйфатына, учреждениеләрнең педагогик составын әзерләүгә, балаларның җәйге ялын контрольдә тоту системасын камилләштерүгә аерым игътибар биреләчәк.
Бу җәйне файдалы итеп үткәрергә теләүчеләр яшьләр эшләре һәм спорт бүлегенә түбәндәге адрес буенча мөрәҗәгать итә алалар: Мамадыш шәһәре, Домолазов ур., 38 «А» йортында яки 3-15-41 телефоны буенча шалтырата алалар. Балалар лагерена юллама онлайн-сервис аша да сатып алырга мөмкин: http://youth.tatar.ru