Мамадыш районында сугышчы-интернационалистлар истәлегенә чаралар узачак

2020 елның 13 феврале, пәнҗешәмбе

14 февраль көнне Шәдче авылында Әфганстанда конфликт вакытында фаҗигале төстә һәлак булган Альберт Вәлиевка багышланган милли көрәш буенча район ярышлары узачак. Спорт ярышлары традицион булып тора, 27 ел дәвамында уза һәм 150гә якын кешене берләштерә. 15 февральдә сугышчы-интернационалистлар һәйкәленә чәчәкләр салыначак, ә район мәдәният йортында Ватаннан читтә хезмәт бурычын үтәгән россиялеләрне искә алу көненә багышланган концерт оештырылачак. Концерт 11: 00 сәгатьтә башлана.