Яшьләр проектларында җиңүчеләр район җитәкчелегенә ярдәме өчен рәхмәт белдерделәр

2020 елның 12 феврале, чәршәмбе

Мамадышның берничә яшь коллективы район башлыгы Анатолий Ивановка ярдәме өчен рәхмәт белдерде. “Безнен заман” проекты җиңүчеләре, “Бишбармак” КВН командасыннан шат һәм булдыклы яшьләр, “SunnyФЕСТ” фестивале авторы Айнур Әгъләмов, яшьләр эшләре бүлеге җитәкчесе урынбасары Эльмира Әхмәтова җитәкчелегендә район башлыгы кабинетына килделәр.Алар үзләренең иң кыйммәтле бүләкләрен- диплом һәм кубокларны А.П. Ивановка бүләккә итәргә теләүләрен белдерделәр:

• Анатолий Петрович, сезне үзебезнең сафларга чакырабыз. Эш графигыгыз тыгыз булуга карамастан сез һәрвакыт чыгыш ясаганда  янәшәдә булу өчен вакыт табасыз. Бу илһамландыра да, җаваплылык та өсти – без районыбызны сынатырга тиеш түгел, дип,без үзебезне кулга алабыз, - дип билгеләп үтте  катнашучылар.

Район башлыгы, үз чиратында, тәкъдимне бик теләп кабул итүен әйтте. “Ә менә бүләкләрегез үзегездә сакларга тәкъдим итәм”,-  диде ул, - 2020 елда яшьләр үзәген реконструкцияләү башланачак, анда музейга  урын калдыру әйбәт булыр иде”.