Мамадыш районы авылларында халык җыеннары башланды.

2020 елның 17 гыйнвары, җомга

Советның киңәйтелгән утырышы беренчеләрдән булып Катмыш авыл җирлегендә узды. Ул гадәттәгечә район җитәкчелеге катнашында үткәрелде. Анда җирле халык районның 2020 елга планнары белән танышты, шулай ук үзләрен борчыган сорауларны турыдан-туры район башлыгы Анатолий Ивановка бирү мөмкинлеге дә алдылыр.

Җирлек башлыгы Илшат Габидуллин узган елгы эш турында җентекле хисап әзерләде, нинди эшләр башкарылуы, ә нинди проблемаларны хәл итәргә кирәклеге турында сөйләде.

Сүз уңаеннан, бүген Усали һәм Никифорово авыл җирлекләре дә районның беренче затларын кабул итәләр.