2017 елда нәшер ителгән Елның иң күп укылган китабы булып Рафаил Газизовның “ Ачык тәрәзәләр” китабы да танылды.
Татарстан Республикасы Милли китапханәсендә «Ел китабы – 2017 " республика конкурсларында җиңүчеләрне бүләкләү тантанасы узды.
Бүләкләү тантанасын Татарстан Республикасы Милли китапханәсе директоры Сөембикә Рәзил кызы Җиһаншина ачты. Җыелганнарга сәламләү сүзе белән Татарстан Республикасы Мәдәният министрының беренче урынбасары Юлия Илдар кызы Адгамова һәм «Гранд» фирмасы генераль директоры, Россия китапханәләр ассоциациясе фондларын формалаштыру секциясенең даими комитеты әгъзасы Рифат Гаяс улы Саразетдинов (Мәскәү шәһәре) ачтылар.
«Лидер» һәм «Иҗади эзләнү» республика конкурсларында җиңүчеләрне һәм катнашучыларны Татарстан Республикасы Мәдәният министрлыгының дипломнары һәм Рәхмәт хатлары белән бүләкләү булды.
"Ел китабы–2017 «республика конкурсында җиңүчеләрне бүләкләү тантанасы узды. Чарада конкурста җиңүче язучылар, жюри әгъзалары, нәшриятлар, массакүләм мәгълүмат чаралары вәкилләре, республика китапханәләре җитәкчеләре һәм республиканың үзәкләштерелгән китапханәләр системасы директорлары катнашты.
2017 елда иң күп укылган китап өчен дипломнар белән бүләкләнделәр:
" Проза татар телендә " номинациясендә:
1 урын – Дания Гайнетдинова «Ялгыз таган»;
2 урын – Фарсель Зыятдинов «Ата күңеле балада...»;
3 урын – Рафаил Газизов «Ачык тәрәзәләр».
«Татар телендә Поэзия», «Татар телендә балалар китабы», «Рус телендә нәшер ителгән сәнгать әдәбияты», «Татар телендә публицистика һәм фәнни-популяр әдәбият», «Публицистика һәм фәнни-популяр әдәбият " номинацияләрендә җиңүчеләр билгеләнде.