Мамадышта балалар фестиваленә йомгак ясалды.

2019 елның 6 марты, чәршәмбе

Муниципаль район башлыгы Анатолий Иванов инициативасы белән үткәрелә торган «Талантлар салават күпере» район фестивале быел тугызынчы тапкыр уздырылды. Быелгы фестивальдә  400гә якын бала катнашты. Тәрбиячеләр сүзләренә караганда, балалар һәм ата-аналар әзерлек һәм репетицияләргә җитди карый. Матур концерт костюмнары тегәләр, балаларга иҗади образлар сайлап алалар.

Төп сәхнәдә фестивальдә катнашучыларны бүләкләделәр. "Салават күпере" балалар бакчасында тәрбияләнүчеләр иң төп бүләк - "ГРАН-ПРИ" га ия булдылар.