ТР “Кама урманчылыгы” ДКУ хезмәткәрләре чыгарылыш сыйныфларда укучылар белән профориентация очрашуларында катнашты.

2019 елның 24 гыйнвары, пәнҗешәмбе

ТР “Кама урманчылыгы” ДКУ белгечләре чыгарылыш сыйныфларда укучы балалар белән профориентация очрашуларында катнашты. Учреждение хезмәткәрләре “Лубян урман-техника көллияте” ДБҺББУ укытучылары белән берлектә Мамадыш муниципаль районының “Пристань-Берсут ТГБМ” МБМУ һәм “Катмыш УББМ” МБМУ укучылар белән очрашты.

Очрашулар барышында урманчылар мәктәп укучыларына Татарстан Республикасының урман фонды турында, аны саклау буенча уздырыла торган эшләр, тармактагы һөнәрләр һәм эшкә урнашу мөмкинлекләре турында сөйләде.