Ачык шугалакта хоккей буенча тренерлардан мастер-класслар узды.
2019 елның 17 һәм 19 гыйнвар көннәрендә МБГБУ “Мамадыш шәһәре ак. К.Ә.Вәлиев исемендәге 2 нче номерлы лицейның һәм Мамадыш муниципаль районы МБГББ оешмасы “Мамадыш шәһәре 4 нче номерлы мәктәбендә белем алучы 2007-2008 елларда туган балалар өчен хоккей буенча мастер-класслар узды.
Мастер-классны «ХиФК буенча балалар һәм яшүсмерләр спорт мәктәбе” директоры, 1 категорияле тренер – укытучы Шевяхов Илья һәм Максимов Вячеслав үткәрде. Тренировка процессы разминкадан башланды, аннан соң балалар берничә күнегүләрне башкардылар һәм күңелле ярышларда катнаштылар. Мастер-класс ахырында барлык катнашучылар да хоккей буенча укыту – тренировка дәресендә катнашу турында сертификатлар һәм татлы призлар алдылар.
Әлеге чаралар сәламәт яшәү рәвешен пропагандалауга, спорт төрен – хоккей популярлаштыруга юнәлдерелгән. Шул ук вакытта тренерлар “Олимп” хоккей командасына чакыру өчен перспективалы балаларны да карый. Киләчәктә балалар-яшүсмерләр спорт мәктәбе тренерлары тарафыннан башка мәктәпләрдәге төрле яшьтәге балалар өчен дә шундый чаралар үткәрү планлаштырыла.