Яңа ел башыннан район үзәк хастаханәсенең бала тудыру бүлегендә алты бала дөньяга килгән. Беренче 4 гыйнварда 9.30 сәгатьтә Мамадышта яшәүче Роза Шәрифуллинаның кызы дөньяга аваз салды. Бу - аның икенче баласы. Шул ук көнне, нәкъ биш сәгатьтән соң, Тәнзилә Фәхретдинова икенче тапкыр әни булды. Тагын ике бала 5 һәм 7 гыйнварда туган. 9 гыйнварда тагын ике сабый дөньяга аваз салды. 4,3 килограммлы баһадир малай иртәнге 9.30 сәгатьтә дөньяга килде. Шул рәвешле тугыз көн эчендә бу дөньяга өч кыз һәм өч малай килгән.